Se tes árbores froiteiras, o inverno non é o momento de esquecerse delas. Ó contrario, é a xanela de oportunidade máis importante do ano. Realizar un bo tratamento de inverno é a diferenza entre recoller froita de calidade ou enfrontarse a pragas ingobernables cando chegue a calor.
Na nosa tenda agraria, proporcionámosche os produtos e o asesoramento técnico para que coides as túas árbores como un profesional.
Que é o tratamento de inverno en árbores froiteiras?
O tratamento de inverno é o conxunto de aplicacións fitosanitarias que se realizan durante o período de repouso vexetativo das árbores froiteiras, normalmente dende a caída da folla ata antes da brotación primaveral. Neste momento, a árbore está sen actividade vexetativa e é máis vulnerable a pragas e enfermidades que pasan o inverno en forma de ovos, larvas ou esporas.
Este tipo de tratamento é preventivo e curativo, e constitúe unha das prácticas máis importantes para asegurar árbores sas e boas colleitas de froita na primavera e verán.
Por que o inverno é o momento clave?
Aplicar tratamentos de inverno non é só unha recomendación, senón un investimento directo na saúde da froiteira. As principais razóns son:
- Condicións climáticas favorables
Durante o inverno, as baixas temperaturas e a humidade favorecen a supervivencia de fungos e bacterias na madeira, e as pragas permanecen protexidas en gretas da cortiza.
- Árbores máis expostas
Sen follas, o produto chega mellor a troncos e ramas, zonas onde se esconden a maioría de patóxenos. Isto aumenta notablemente a eficacia do tratamento.
- Prevención de pragas futuras
Moitos insectos e ácaros (pulgón, cochinilla, araña vermella, …) pasan o inverno na árbore. Se non se controlan agora, cando suban as temperaturas multiplicaranse rapidamente.
- Mellores colleitas
Unha árbore sa dende o inverno:
- Brota con máis forza
- Florece de maneira uniforme
- Produce froitos de maior calidade
Principais produtos para o tratamento de inverno
Para un mantemento integral, é necesario actuar contra dúas frontes: enfermidades e pragas.
- Funxicidas e Bactericidas: O papel do cobre
Os funxicidas e bactericidas son a base do tratamento de inverno, xa que controlan enfermidades moi comúns en froiteiras.
O Cobre é o protector por excelencia debido ó seu amplo espectro, o que significa que é eficaz contra unha gran variedade de fungos e bacterias. É un produto de orixe mineral cuxa aplicación é fundamental para desinfectar a árbore.
Ademais, o seu uso está permitido en agricultura ecolóxica, sendo unha opción sostible e moi potente.
- Aceites de inverno: Control de pragas ocultas
Os aceites de inverno actúan principalmente por asfixia, cubrindo ovos e larvas de insectos que permanecen en repouso durante o frío.
Son moi eficaces contra: Pulgóns / Cochinillas / Mosca branca / Ácaros.
Vantaxes principais:
- Reducen drasticamente as poboacións antes de primavera
- Melloran a eficacia dos insecticidas
- Baixo risco de resistencias
- Insecticidas e acaricidas: Reforzo específico
En casos de alta presión de pragas, o tratamento pode reforzarse con insecticidas e acaricidas específicos, especialmente indicados para: Araña vermella / Psila / Cochinilla persistente.
Estes produtos axudan a asegurar un control completo, especialmente en plantacións con historial de problemas.
Packs de tratamento de inverno: Solución fácil e eficaz
No sector agrario, a forma máis profesional de realizar este mantemento é mediante o uso de Kits de Tratamento de Inverno. Estes kits comerciais están tecnicamente deseñados para que os seus compoñentes sexan compatibles entre si.
- Sinerxia e compatibilidade: Estes packs permiten realizar unha mestura no mesmo tanque de pulverización. Ó aplicar o funxicida (cobre), o aceite e o insecticida de forma conxunta, conséguese unha cobertura total da árbore.
- Dobre acción: O kit actúa cun efecto preventivo (evitando novas infeccións) e un efecto curativo (eliminando as pragas e fungos que xa están hibernando no froiteiro).
- Rigor na mestura: É fundamental seguir as indicacións das etiquetas dos kits comerciais para garantir que a emulsión sexa estable e o tratamento alcance a súa máxima efectividade.
Equipos de aplicación: Tan importantes como o produto
De nada serve o mellor produto se non chega a tódolos recunchos da árbore. Na nosa tenda non só che asesoramos co “que”, senón tamén co “como”.
- Pulverizadores de mochila: Ideais para hortos familiares, aseguran unha presión constante.
- Atomizadores: Para leiras de maior tamaño, garantindo que o produto penetre na copa e o tronco.
- Protección (EPIs): Lembra sempre usar máscara, luvas e lentes. A túa seguridade é o primeiro!
Consellos prácticos para un tratamento de inverno eficaz
- Aplicar en días sen xeadas, vento nin choiva.
- Mollar ben tronco e ramas principais.
- Non tratar con risco de xeadas nas seguintes 24–48 h.
- Respectar dose e recomendacións técnicas.
- Usar sempre equipos limpos e calibrados.
Conclusión: A túa colleita comeza hoxe
Un tratamento de inverno executado con rigor técnico é o mellor investimento para asegurar a saúde das túas froiteiras e a abundancia das túas futuras colleitas.
En Falcón Agroalimentaria contamos con Kits de Tratamento de Inverno, funxicidas de alta calidade e toda a maquinaria necesaria para a súa aplicación.
Tes dúbidas sobre que produto é o máis adecuado para o teu tipo de froiteira? Visítanos en A Casa das Plantas e asesorarémoste para que leves exactamente o que o teu horto necesita.
Máis que unha tenda: O teu compañeiro en cada etapa do cultivo
En Falcón Agroalimentaria entendemos que plantar unha árbore froiteira non é unha compra puntual, é o inicio dun proxecto de vida. A nosa paixón pola agricultura ensinounos que o éxito dunha colleita comeza moito antes de que apareza o primeiro froito.
Dende a plantación ata a colleita: Un compromiso que crece coas túas árbores
Pensamos que o coidado da terra non é algo estacional, senón un acompañamento constante. Para nós, cada exemplar que sae das nosas instalacións representa o inicio dun proxecto compartido; dende o momento en que se selecciona a variedade máis apta para o chan e o clima da nosa zona, ata que alcanza a súa plena madurez produtiva.
- Acompañamento técnico: Guiámosche durante os primeiros anos de crecemento, os máis críticos para a formación da estrutura da árbore.
- Expertos en sanidade vexetal: Contamos con anos de experiencia identificando carencias, pragas e enfermidades. Se notas algo raro nas túas follas ou cortiza, estamos aquí para diagnosticalo.
- Solucións para cada etapa: Dende o abonado de fondo na plantación ata os tratamentos de inverno que vimos nesta guía, dispoñemos de todo o necesario para que a túa árbore creza forte e produtivo.
Todo o que necesitas nun lugar
A nosa filosofía é o acompañamento ó longo de cada ciclo natural. Por iso, na nosa tenda atoparás produtos de tratamento, e tamén a maquinaria, as ferramentas de poda e o asesoramento persoal unha tenda con experiencia agraria real pode ofrecer.
Preguntas frecuentes
Acabas de plantar ou tes froiteiras antigas que necesitan atención? Ven a vernos. Queremos ser parte da túa colleita.
